JINI MAHABA

MADHARA YA JINNI MAHABA NA TIBA YAKE

Jinni mahaba ni tatizo sugu linalowasumbua watu wengi, na sababu kuu ya uwepo wa jinni huyo pia ni giza la kiroho linaloundwa na akina mama bila ya wao kutambua.

Sasa anapofanikiwa kumkamata mwanamke, alama ya kumtambulisha kuwa yupo huwa ni kutohisi hamu ya kufanya tendo la ndoa na kujisikia kuwa mkali pale mume anapoulizia swala hilo la tendo la ndoa, hali hiyo humpelekea mwanamke kua mkali maana wengi wao wenye majini hawa huhisi uchungu au kuto kujiskia kufanya tendo hilo.

Wakati mwingine anakuwa na majibu machafu na  kero ili mradi tu wagombane halafu mume ageukie ukutani au alale na suruali na hapo ndipo jinni huyo huja yeye na kufaidi tendo hilo maana jinni huyu akikuta umeingiliwa na mwanaume huchukia sana.

Mpenzi msomaji wa kijitabu hiki jinni huyu ni chachu ya kuvunjika kwa maelewano kati ya wawili wapendanao na kinadada wengi tayari wameshakimbiwa na watu wao kwa sababu ya jinni huyu.

Pia katika mazingira kama hayo mwanamke hujisikia raha zaidi ya ile anayoipata wakati akilala na mwanaume wa kibinadamu na ndipo humaliziwa hamu yake ya kawaida kwa binadamu.

Wakati mwingine jinni huyu husababisha maumivu sehemu ya tumbo hususan pale inapofikia wakati wa kutaka kufanya mapenzi, jinni huyu pia husababisha mvurugiko wa vipindi vya mwezi na maumivu wakati wa kuingia au kabla ya kuingia katika siku hizo, maana jinni huyu ukiwa katika hedhi hawezi kukuingilia, japo wapo wakina mama wengine huingiliwa hata wakiwa katika hali hiyo, ukiingiliwa ukiwa katika hali hiyo basi jua ya kwamba jinni huyo sio jinni mahaba bali ni jinni maiti.